Chhelna rah chu I la seng dawn si a
Thuchah duh che ka nei.
Nidang atan ni lo vawiini khera I lo chhiar atan…
Chhel rawh.
I lehkha zir, hnathawh, hmasawnna kawngah I theihtawp chhuaha I bei mek a nih chuan, chhel taka bei zel turin ka duhsakna ka hlan a che.
I rualpui ten hun khawhralna zawngin kawng chi tinreng an zawng a. Nang erawh chu tuna I tihchak kalsanin nakina I khawvel tur lo duan lawkin hna I thawk.
Midang tih ang I tih ve loh avangin mahni inrinhlehnain I khat pawh a ni maithei. I mal lo. Chhel zel rawh. Nangmah chiaha tuarin inhre mah la I mal bik hauh lo. Hmun hran, khaw hran, tuipui ral lehlamah pawh ni se, zantin nitin theihtawp chhuaha bei nasa an awm asin. Hlawhtlin loh theihloh mite, hlawhtlin loh chuan boral chauh hmabak mi te.
Tuna hun khawhralte chu hunin a kalsan anga, an chan tawk an la dawng dawn si a. Hun an khawhral man, an buh chi tuh an enkawl that loh vangin nakinah riltamin an la awm ang.
Chutih hunah chuan tuna chhel taka bei fan fan te, thawkrimte chuan an thawh hah man rah chu an seng ve thung ang.
Nakinah rah tha seng tur I neih theih nan tunah I duh tlansanin chhel takin bei zel rawh. Nakina duh duh nei thei tura tuna chhete tuarte chu engmah a ni hleinem.
Leave a Reply