Thupui: Zing tho hma duhte tana zing thawh hma dan.
Zing thawh hma hi tho tlai ṭhang tan chuan a awl miah lo. Zing 9 pawh hi hma lutukah a hmuh theih.
Zing kar hi hun tha, midang lehpel duh tana hun remchang em em mai a ni. Tum nei lote chuan zing thawh hma nachhan tur an hre lo thung. I thawh tlai ziah chuan hun hlu leh tha tak mai I hmaih.
He thu pawh hi zingkara ziah a ni.
Zing Thawh Hma Dan
1) Zing thawh hma chhan nei rawh.
Hna emaw sikul avangin zing dar 5-ah thawh ngai se loh theih lovin I tho ang.
Thawh hma chhan I neih a ngai. Thawh hma a harsatna chhan chu a chhan tha I neih loh vang a ni.
Zing thawh hma chhan I neih phawt chuan I tho hma thei.
2) Alarm hmang tangkai rawh.
Alarm clock hi I thian tha a ni. I thawh risk a ngai tawh lo, sana hmangin I duh duh hunah I tho thei.
Thawh I harsat dawn tih I hriat lawk phei chuan tam tak set rawh. Pahnih-pathum minute 2 indanah ka set fo.
Alarm app: Alarmy (iOS/Android) – Zing thawh I harsat chuan he alarm app hi hmang chhin rawh. Settings atang khan alarm off tur chuan mathematics chawh phawt ngai turin I dah ang a, I chawh hma chu alarm a ri char char ang. Thawh loh chu a har ngei mai.
3) Ngaia I neih hma chu chhunzawm rawh.
A tirah chuan a harsa ang. Zana mut I kham loh chuan I chauh deuh pawhin beisei lawk tur a ni. Zing kara tho hma leh turin mut hma zir thung rawh.
Kar 1-2 hnuah chuan a ziaawm chho viau anga I taksain ngaiah a nei chho ang.
Chhunzawm zel la nakinah dar 9-a thote chu tho tlai I ti viau ang.
Bonus 4) Chak leh phur takin tho rawh.
Zing dar 5-a ka thawh chakna chhan chu nakinah rah tha tak a la chhuah dawn tih ka hriat vang a ni. Mi la mut laia tihtur lo zawh fel teuh tawh ngaihtuahnain mi tiphurin thawh a ti awlsam em em.
I thawh hma avanga nakina I hlawkna tur ngaihtuah la phur takin a hun chatah I tho ṭhuai ang!
_________________
Zing thawh hma hlawkna hi sawi nawn fo tlak a ni. Mi hlawhtling leh mi tlaktlai lo tehkhin la tunge zing chhun nilenga mu thin zawk. Khatah khan inzirtur a awm.
“Early to bed and early to rise, makes a man healthy, wealthy, and wise”
Thlalak: milaap.org
Chhiar tur:
Leave a Reply