Note: He thuziak hi kum tirah tak chhiar lo mahla a hman theih vek tih hre rawh. Engtik hunah pawh I chhiar thei, January ah emaw July ah pawh ni se. A hmanna chu a inang vek.
2016 kum kha I tan kum tha a ni em?
I thiltih tha leh pawimawh I la hria em? Hma I sawn em? Ngeni sawi tur pawh I hre mumal lo.
Engpawh ni rawh se – 2016 kum emaw, ENG KUMAH PAWH NI SE tun kum hi I tan kum tha nih tir rawh. I hriat angin tun kum hi mitchhin chhung lekin a ral leh dawn, hriat loh laiin 2018 a rawn ni leh mai dawn.
Chu vang chuan kum thar hi a BUL atangin tan tha rawh. A bul tan that hi a pawimawh.
2016 khan I duh angin I hlawhtling lo ni a I hriat a, I hlawhtlin hlu leh pawimawh sawi tur I hriat loh chuanin hei hi ngaichang rawh.
Hmun tinrengah I rilru leh I tha seng lo la – I rilru leh I thlarau, I theihna zawng zawng thil pakhatah chauh seng rawh.
I inchhir lovang.
Kum tawp a rawn thlen hunah thil tam tak hlawhtlin si loh ai chuan thil pakhat chiang taka hlawhtlin a hlawk zawk.
I TIH TUR
Tun kum thara I hlawhtlin duh chu ziak chhuak rawh. Hei hi a pawimawh. ZIAK THLA RAWH. Ka rilruah ka hre tho tih a tawk lo. Ziak thla rawh.
Heihi hlawhtlin tumin tun kum tharah I theihtawp chhuahin I bei ang. I chauh changin, I mal changin, beidawn I duh pawhin hei hi hre reng rawh.
Engtikah mah I mal ngai lo. Nangmah leh nangmah kha intiphur rawh.
I tum hlawhtlin turin thih hial I huam em? Kei ka inhuam. Nun awmze nei lova nun ai chuan ka duh tak hlawhtlin tuma thih ka thlang zawk. Kum thar hi ka tan kum tha lutuk a ni dawn tih ka hria. Nangpawh duhsakna sang ber ka hlan a che.
I nun I thlak thei. Chu chu I thinlung zawng zawngin ring tlat rawh.
I tan kum thar chu vawiin atangin a intan, vawiini __/__/____
Intawn leh hma zawng,
Zakzum Hmeltha
Leave a Reply