Hmanlai Samurai pakhat-leh-pakhat insual duel an tihah chuan a chak lo zawk chu a chungnung zawk chuan a that nghal chawk. I hneh loh chuan I hming a chhiat mai bakah thih hmabak thei I ni. Naupang infiam a ni lo.
Miyamoto Musashi hi Samurai kum 1584 khan hmanlai Japan a piang a ni a, duel 60 nei tawhin vawikhatmah chak loh a nei lo. Kum 13 a nihin an khuaah samurai pakhatin amah cho apiang chu duel puiah a cho a, Musashi chuan a va cho ta a. Samurai puitling chuan kum 13 te chu a ngaihnep avangin Musashi chuan a vaw thlu lawk a, a hmunah chuan a that ta nghal a. Heihi a duel hmasa ber a ni.
A upat chhohin insual chiah ngaihtuah tawh lovin khawvel chinchang hran hran zirin a fang kual a.
He thuziak ka lehchhawn hi a thih hma kar khata a ziah a ni.
A thuziak hming tak chu The Dokkodo anih loh pawhin Mahnia Hringnun Zawh Dan.
Mahnia Hringnun Zawh Dan Kawng 21
1. Engkim a nihna angin pawm rawh.
2. Nawmchenna a hming atan ringawt um suh.
3. Eng chungchangah mah thinlung kim loah innghat suh.
4. Zangkhai takin inngai la, ril takin khawvel ngaihtuah rawh.
5. I damchhungin châkna atangin inkiltawih rawh.
6. I thil tih tawhah reng reng inchhir suh.
7. Thikthuchhiatna engmah nei suh.
8. Inthenna avangin inlungchhiat tir reng reng suh.
9. Ngaih huatna leh sawisel chu mahni tan leh midang tan a hmun leh hun a awm lo.
10. Tisa chakna leh hmangaihna I nun kaihruaitu nih tir suh.
11. Engahmah duh bik nei suh.
12. I khawsakna hmun pawisak suh.
13. Chaw tui um suh.
14. I bungraw mamawh tawh loh kawl suh.
15. Thil chindan hlui angin thil ti suh.
16. Hmanrua mamawh chin bak fawm khawmin inzirna’n hmang suh.
17. Thihna hlau suh.
18. Bungrua khawlkhawm lo la I upat hun atan tiin in leh lo pawh.
19. Buddha te leh pathiante zah la mahse an kutah innghat suh.
20. I taksa I kalsan a nih pawhin I zahawmna hum tha rawh.
21. I nun kalkawng The Way atangin kal peng reng reng suh.
Heng nun dan kawng hi TUNAH a tangkai I ti lo maithei, nakin kum 5 hnuah I rilru a khawih chauh maithei.
Tuna a tha I tih leh tangkai I tih chu zawm la, I mamawh loh chu hnutchhiah rawh.
Intawn leh hma zawng,
Zakzum Hmeltha
Leave a Reply