Bluefilm leh Zang Hrawt Loh Hlawkna 6 Ka Tawnte

Bluefilm (porn) hi a hma kha chuan dawra vcd a hawh a ngai thin a, tunah erawh zawng khawi hmunah pawh awlsam takin thlan seng loh en tur a lo awm ta. En lo chu mi tlemte chauh an ni deuh ber mai.

Porn hi a pangai lova. A hrisel lova. Nasa takin mihring rilru awm dan a khawih danglam thei bawk a ni.

Zawngchhang awl em em mai, mahse thlah leh har em em si a ni. Mi awih loh chuan porn kha thla 1 chhung en tawh loh tum teh. A awl awzawng lo. Ni 2-3 ringawt pawh hi en lova awm a har tawh a ni.

Hemi harsatzia, zawngchhang a awlzia leh a sala tan a awlzia hi hriain porn chauh ni lo, zang hrawt (masturbation) nen ka theih chin chin ka inthiarfilim ang tiin thu ka sawi ta a. Tichuan ni 65 chhung chu porn leh zang hrawt lovin ni ka hmang a. ka thil tawnte chu hengte hi a ni.

Bluefilm leh Zang Hrawt Loh Hlawkna 6 Ka Tawnte

Thla 2 (ni 65) chhung porn leh zang hrawt lo result:

1) Nitin hun hlu ka dawng let leh

Blue film pakhat chiah reilote en a awm lo. Kan duh ang chiah kan zawng kual hrep a, chumi hnuah video pakhat atangin a dangah kan kal kual leh a. A zavai chuan darkar tam a lo ni hman thin.

Blue film I en loh chuan darkar tam tak video zawng kuala I khawhral kha I dawng let leh ang.

Lehkha chhiar leh thil dang pawimawh tihna atan hun hlu em em mai ka nei let leh.

2) Mahni inzahpuina thlentu lian tak a ni

Porn han ena a vawrtawp han thlen hi chuan kan thil tiha inchhuana tur a awm meuh lo. Inchhirna leh inthlahrunna bak a awm lo.

Mi thenkhat ka hriatte –  nitina video maksak tak tak en thinte chu midang karah pawh a rukin inzahna an nei a, an mita en pawhin tihsual nei ang deuhin an hawisan leh nghal thin.

3) Hmeichhe tak I melh leh tan ang

Porn a hmeichhiate hi a tak an ni lova, makeup nena cheibawl chawp vek an ni.

Pornstars makeup tel leh tel lo

Porn I en nasat chuan a tak taka hmeichhia lamah I tui loh phah ang. A taka hmeichhiate chuan khawih leh chei danglam lemchangte chu an tluk ngaihna a awm lo.

4) Inchhung a tawm tlut tlut

Porn en reng chuan pawn chhuah a chakawm lovin tih tur ngei ngei neih loh phei chuan mahni ina tawm tlut tlut a tam hle. Midang hmel hmuh pawh a tichakawm loh phah vek.

Pawnlam khawvel atanga kan himna mahni ina tawm rengna thlentu lian a ni.

5) Confidence leh Rilru fimna

Bluefilm en tlut tlut avanga confi zualna a awm ngai lo. Confi loh zualna a awm thung.

Nitin I chi I tihtlak reng loh hian mipa chakna (hormone) testosterone a sang sawt a, I confi sawt ang.

A zan hmasaa ka hrawt leh ni 4-5 vel ka hrawt tawh loh chu ka confi level danglamna chiang takin ka hre thei. Kohhran lamah pawh hmel tihlan a nuam sawt.

Porn I en reng loh chuan I rilru a fim sawt ang a I confi sawt bawk ang.

6) Taksa chakna

I taksa chhunga chi I tihruah zel chuan kawppui neih chakna a bo thin tih kan hre tlang tawh a.

Chu mai bakah, hrawt zawh veleh chauhna a rawn thleng a, hahchawlh a ngaih hialna pawh a thleng thin. Chi (sperm) hi chakna (energy) chi khat a ni a, I hum that chuan chakna kha I chhungah awmin I taksa a tichak sawt ang.

Tichuan porn en aiin exer I lak zawk chuan loh theih lohvin I taksa a chakin a hrisel zawk ang.

Porn leh zang hrawt tlut tlut hi mahni hun, chakna, leh rilru fimna tichhetu a ni.

Bluefilm/Porn sal I ni em?

Bluefilm en than chuan en loh hi thil harsa tak a ni. Hriat loh laiin ngaia neih tawh avanga lo en leh mai a awl hle. I hriat loh laiin a bawihah a lo siam tawh che em?

Ka han bansan takah chuan a tir kar 2 kha chu a har khawp mai. Mahse a tir I tuar chhuah theih chuan I rilru a luahkhat reng bik tawh lovang.

Porn bansan hi a harsa tih hriain, mi tam takin an sual hneh loh thil a ni tih hriain I sualchhuah theih chuan thil dangah pawh nise I tithei a ni tih confidence thar a pe ang che.

Tum chuan kawng a awm.

– Zakzum Hmeltha