Hlim Ka Duh

Enge I duh? tiin ka zawt a,

Hlim ka duh, tiin mi chhang.

Hlim reng em ni I duh? ka ti leh a,

A theih chuan Aw hlim reng, harsatna awm miah lo ka duh, a ti a.

Ti hian ka chhang,

Rin loh deuhvin miin thilpek tha deuh min pe se kan hlim dawn lutuk, mahse kan inhmuh apianga min pek ziah chuan kan hlim phah tawh loh mai bakah kan beisei tan ang a, thilpek min pek loh chuan an chungah kan lungawi lo hial zawk ang.

I hlim reng chuan I hlimna kha ngaiah I nei ang a nakinah chuan ngaiah I neih tawh avangin a tihlim tawh lovang che.

Chuvang chuan hlim reng hi he khawvela hringmi tan chuan a nih dan tur a ni lo. Zingah kan tho a zanah kan mu a, beisei lawk loh thil rilru tihah leh min tibuaitu a thleng thin. Heng harsatna karah hian thil tha leh hlimawm a thlenin kan hlim thin a ni.

Harsatna hian hlimna min hmuh tir a, harsatna tel lo chuan kan hlimna hi hlim tur leh lawm tham a ni tih kan hmaih thin.

I nunah hun hlimawm aiin hun hlimawm loh a tam zawk ang. A nih dan tur reng a ni.

Naupang inkawm hlimin ‘vawiin chu i hlim ang u’ an ti lawk lo, nakin tihtur leh buaina an ngaihtuah ve lo. TUN an thiltihah an rilru an dah a, an inkawm khawm a, an hlim mai a ni.

Hlimna man tumin um suh. A hel kual a hel kual ang che.

Man I tum miah loh chuan I hnenah amahin a rawn inlar ang.