Hmeichhe Duhzawng Mipa

Mizo Tawngin tih hi hmun dang atanga lak chhawn, Mizo tawnga leh a ni a. Zakzum Hmeltha hi a tawpa keima thuziak a ni.

Mizo Tawngin

Hmeichhia
Nilengin an hmaichei an buaipui a. Darkar chhiar sen loh silhfen ‘mawi ber’ zawngin an bazar a, ‘inchei dan’ magazine an chhiar a, etc. Kan nuihzatin kan nuihsawh phah reng bawk a.

Mahse hmeichhiain mawina leh incheina an atchilh nachhan chu keimahni (mipa) vang a ni. A chhan chu engti khawpa hmeichhe lehkha thiam, rimawi tumthiam, khawvela natna tibo hlen thei damdawi hmuchhuak awm pawh ni se a hmelthat leh that loh, a nalh em? tih zawhna in kan rilru a luah zawk.

Keini mipa erawh chu kan hna, nihna, leh kan finna kan hlut zawk a. Keini chuan mipa mawina anga kan ngaih chu work out = tihrawl (muscles) sek neih = hmeichhiate venghim thei anga lan, a ni zawk tlangpui.

Hmeichhiain chuan mipa ‘famkim’ an duh. An thinlung (feelings) awmdan tidanglam thiam, nuam tih tir thei, tinui thei, tilungngai thei, hmangaihna a tikhat thei leh hmeichhe thinlung (feelings) dang dang FEEL tir theitu mipa chu a aia hmeltha zawk mipa, engmah hrethiam lo leh an feelings engmah thlak danglam thei lo ai chuan an thlang zawk.

Hmeichhia aiin mipain kan thlei hrang zawk. Hmeichhe hmeltha lo leh nalh lo chuan hun harsa tak an nei thin, a chhan chu mipain hmeichhiate hi an hmel leh nalhna atangin kan thliar hran thin avangin.

Mipa hmel tha em em nih loh hi thil tha lo a ni lo. Mipa mizia tha lo neih chu a ni thung.

Mipa hmeltha em em ni lo, mizia tha tak nei mi chu a aia mipa hmeltha zawk, mize ro (boring) aiin an chan TAMTAKIN a tha zawk.

Hmeichhiain I hmeltha an ti a, a tirah kawng an lo hawn che pawhin I miziain an cham leh cham loh a hril ang.

Mipa mize pahnih:

Mipa fel over – hmeichhe duh apiang hnar ngai lo, remtih puilo ngai lo, “I duh phawt te chuan” ti zel.
Mipa hmeichhe hmakhua ngaihtuah lo – engmah pawisa lo, engtik lai pawha mahni ngawr ngawr inngaihtuah, hmeichhia nena thinlung inpawhna engmah siam thei lo.

Mipa fel over chu kawppui (relationship)ah an tha zawk a, mipa hmeichhe ngaihtuah lo erawh chu a tira hmeichhe hip tuah an tha zawk. Mahse hun rei atana kawppui atan chuan an tha lo ve ve.

Mipa chuan hmeichhe duhawm, mitmeia thlir hahdam an duh a. Hmeichhia chuan mipa mi hip thei, nuihzatthlak, mi hlawhtling, mi fing, hmeltha, etc, an duh thung.

Zakzum Hmeltha

1. Hmeichhiain mipa ‘famkim’ an duh

Hmeichhiain an duhzawng mipa an sawiin list thui tawk tak mai an nei thin. Hmeltha, hausa, sang, fel, zaidam, nuihzatthlak, etc. Hmeichhe duh chu mipa ‘famkim’, he khawvela awm lo hial tur khawpa famkim. Awm tehreng pawh ni se an chang loh tur mipa. Mahse hmeichhe thusawi aiin an thiltih en zawk rawh. Hmeichhia chuan an mipa duh zawng an sawi char char anga an sawi ang ni miah lo mipa an ngaizawng leh daih chawk.

2. Hmeichhe thinlung (feelings) thlak danglam thiam a pawimawh

A chunga thuziak ang hian hmeichhe thinlung (feelings) I thlak danglam thiam a – nuih tir, hlim tir, tah tir, etc theih chuan nang aia hmeltha zawk mipa boring lutuk, engmah feeling neih tir thiam lo ai chuan an thlang zawk ang che.

3. Mipa mize uchuak pahnih

Mipa fel over nih a hlawk lem lo. Hmeichhe duh apiang I tih sak chuan an zah dawn lo che. Ngaihzawng atan an duh lo che, an mamawha hman tur thian atan chauh.
Hmeichhe rilru I pawisa miah lo a nih thung chuan a tirah an duh che pawhin (hmeichhiain an neih theih loh an duh, mihring mizia), engahmah I ngaih loh chuan inlaichinna tha in nei thei dawn lo.

He mize pahnih inkar a tha ber. I nunah hmeichhia I dah pawimawh hmasa ber tur a ni lo. He khawvela I duh, I duhthusam ram chu a taka chan tir turin nangmah I indah hmasa tur a ni. An mamawh aiin nangmah I pawimawh zawka mahse chutih rualin an mamawh engatan mah I ngai lo tihna a ni lo thung.

A tawpna atan,

4. Mizia leh Hmel

Mizia a pawimawh tih avangin I hmel siamthat I thlahthlam tur tihna a ni lo. I pianphungin a zir loh pawhin I theih tawp siamthat tuma I beih ve a ngai. Hmeichhia kan hmuh dan ang tluk ni lo mahse mipa hmel leh incheina hi thil pawimawh tham tak a ni. Tupawhin hmel leh incheina a pawimawh lo an tih chuan dawt an hrilh che. I hmel, inchei dan, mizia, etc. azirin mi ngaihdan leh an biangbiak dan che a danglam tih hriat a tha.

Mipa Tan Hmelthat Dan Series:
– Part 1 – Hmai leh Inchei
– Part 2 – Hriselna
– Part 3 – Mizia leh Thiamna