Kum Tina Thil Pakhat Pawimawh Em Em

Tuna I nun kha en la a ni deuh nuaih ang.

Enge I duh? tiin zawt ta che ila I thil duh I sawi deuh teuh ang.

Duh tam tak I neih chuan a enga mah kha a hlawhtling lovang. Duh tam tak neih ai chuan I rilru leh ngaihtuahna kha thil pakhatah chiah dah zawk la a hlawhtling thei thung ang.

Kum thar kan chuangkai a kumtirah chuan mi rilru a tharin a tumruh thin. Kar 2 kar 3 hnu velah chuan a kum hmasa a ngaihtuahna a awh leh thin.

Thil pakhat thuruk

Tih tur ka pe ang che – I thiltih lai kha dah thain thildang nen tikawp suh.

Nikum kha ngaihtuah la – Kum tha a ni em? Enge I hlawhtlin? Hma I sawn em? Tum leh duh tam tak I neih ve ngei ka ring.

Ngaihtuah leh la – thil dang tikual teuh lovin thil pakhatah chauh I rilru lo pe zawk ta la hma I sawn zawk lo maw?

Lei i lai a, hmun khatah a thuk zawnga lai lovin a zau zawngin I petek kual vel a. Chuti te chuan engtin nge lei hnuaia tuichhunchhuah I neih theih reng ang. I hun leh tha kha hmun khatah seng vek ta la a thukin a puitling zawk daih ang.

Pen leh lehkha la chhuak la, he zawhna hi ngun takin ngaihtuah rawh.

“Kum tawpah eng thil pakhat nge hlawhtlin ila, eng dang mah hlawhtlin lo pawh ni ila kum tha ka tih theih tho ang? “

I thil duh tam tak kha ziak thla la. Chuta tang chuan pakhat thlang chhuak rawh. Pakhat chiah.

Tichuan heihi zawm rawh:

1) Nitin lehkhaah I hlawhtlin tur thu ziak chhuak ziah rawh. 

2) Nitinin a tak a nih theihna turin hma la rawh. 

Hunin a la thlak ang che.