Ka tleirawl chhoh laiin ka inngaihtuah a, tunah hian ngaihzawng hmeltha leh fel, min hrethiam nei ila ka buainate hi a kiang tur, tiin.
Ka ngaihtuahnaah chuan he mi hi ka nun a rawn luh achinah ka buaina zawng zawng tha vek turah ka ngai a, ka suangtuah nasa ve thei khawp mai.
Thil pakhat ka lo hriat loh a chu ka hlimna leh ka buaina midangah ka nghat thei lo tih hi.
Midangah ka innghah chuan engtikahmah keimahin ka hlim thei dawn lo. Chu mai bakah miin buaina an nei ve tho a, ka buaina phurrit nen belhchhah an duh bik lo.
Mahni hlimna leh hlutna midangah nghah chuan an kalsan chein tawrh a harsa ngei mai.
Mahni hlimna midanga nghah chu drugs ang a ni. Hlimna’n drugs I hman chuan a kai laiin nuam viau mahse a hnathawh reh hun a awm thin. A reh hnuah I dinhmun ngai te bawkah I let leh a, I rilru tinuam turin ruih theih thilah bawk I hawi leh ang. A tel lova hun hman harsa I ti ang a, a awm loh chuan I rilru a thlamuang thei lovang.
Midang I hmangaih hmain nangmah inhmangaih hmasa rawh
Midang hmangaih I neih avangin I hlim tihna a ni chuang lo. Zan a rawn thlen hunah nangmah chauh I ni leh dawn tho.
I inkalsan thei lo.
Mahni inhmangaih hi pawimawh tak a ni. A pawimawh zia ngaituahin enhmaih leh enliam a ni fo.
Nangmah I inhmangaih loh chuanin midangin anmahni aiin an hmangaih zawk dawn lo che.
I mi nel leh hmangaih tana thil tha I duhsak ang hian nangmah pawh induhsak rawh.
Mi aiin I pawimawh lo bik lo.
Mahni I inhmangaih chuanin midangin rawn hnaih che an duh
Kan duhin min duh lova, kan duh lovin min duh bawk si tih ang vel a ni.
Mahni inhmangaih ka zir takah chuan ka rilru, taksa, incheina thlengin ka vawng tha a. A hma ai fe chuan mi ka hipin an mit ka la.
Mahni inhmangaih chuan ngaihzawng lamah pawh midangin min hnar mahse kan tuar na tawh lo. Miin min duh lo mahse keimahni kan induhtawk tawh avangin tunah nei rih lo mah ila a pawi miah lo.
Mak deuh mai chu midang kan mamawh lovin anmahniin hnaih min chak. Miin an neih theih loh hi an nei chak ngawih ngawih.
Thuchah Hnuhnung
I nun siamtha turin midang nghah aiin mahnia hmalak a fin thlak.
Mahni inhmangaiha mahni induhtawk turin midang I mamawh lo. Nangmah I inhmangaih chuan midang nen tunah rem rih lo mahse a pawi miah lo. Mahnia awm hlauh avanga inmil lo leh inrem miah lo inkawp, hrehawm taka awm leh si ang hi I ni dah ang e.
Nangmah tikim tur ringawtin midang zawng suh. A chhuak tha chuang lovang.
I kim lova I hriat loh chhan chu Khuanu ruat I la tawn loh vang leh I duhzawng I lei theih vang ni lovin
Nangmah I inhmangaih loh vang a ni zawk lo maw?
Leave a Reply