Midang I Thlak Thei Lo Tum Lo Mai Rawh

He thupui hi tunlaia ka rilru luah khattu ber a ni.

Beiseina nei lovin hmun thimah I awm thin. Tunah chuan hmalam thlir pawhin beseinain I khat. Khuarkhurum atanga inpawt chhuakin thil tam tak I zir phah a. I thil zir thate I chhungte leh thiante hriat tir ve I chak.

Lo hre ve se, he kawng hi min zawhpui ve se, he kawng hi a tawpa hlawhtlinna kawng chu a ni tiin anmahni duhsakna avangin hriattir I chak.

Kawng awl chu ni lo mahse an ti ve thei ngei ang tiin I inngaihtuah.

Miin kawng awl an duh.

Midang thlak I tum chuan fimkhur hle rawh. Thu tha tak hrilh anga inngai kha an huat phah thei zawk che. Anmahni hekna angin an la kawi daih thei.

Miin inthlak an duh lo. Anmahni thlak I duh chuan inthlak an duh ve a ngai. Hei hi zirtur pawimawh tak a ni.

Mahni thisen zawmpui an nih ngat phei chuan tanpui chakna a lo awm thin a. Beiseina nei lo, tum nei lo leh mahni insitin an nun hmang reng mahse tanpui an duh bawk si loh chuan kan lo tuar ve thin. Mahse anmahniin insiamthat an duh loh chuan ralkhat atanga duhsakna sang ber hlan mai loh chu tihtheih a awm lo.

An Inthlak duh hunah chuan anmahniin hma an la mai ang

Inthlak hi a awl lo bawk em alawm. I nun nuam leh awlsam chhuahsan a ngai a, I tih ngam loh leh hlauh em em mai I hmachhawn a ngai bawk a. Mi tam zawk chu an inthlak dawn lo.

I mi thlak duhte hi I hmangaih em em pawh ni se an nih anga I nih tir a ngai.

I thiante, chhungte pawh ni se nitin nilenga engmah ti lova an mut zawi reng chuan an duhthlan vang a ni. I tihtheih chu

1) An nih angin I pawm thei.

2) An bulah hun hman tawh loh I thlang thei bawk. 

3) Thil dang pakhat I tih theih chu engmah hrilh lova entir. Show don’t tell. I nunhlui atanga I inthlak tawh zia te, hma I sawn tawh ziate sawi lang lo la. Anmahni ngeiin an hmuh chuanin mak an ti lo thei lo. Engtin nge an tih ve theih ang tia an zawt ang che I duh leh I hrilh dawn nia. A tam zawk chuan I thusawi zawm dawn chuang lo mahse.

Khaikhawmna

He khawvel hi kan duhdan angin a kal lo. A nih dan ang chiahin a kal.

1. Mi an nih ang angin an ni dawn.
2. Midang thlak tur chuan anmahniin inthlak an duh a ngai.
3. Mahni inthlak duh chu mi tlemte chauh an ni.
4. Sawi hmuh suh, entir zawk rawh. Show don’t tell.
5. I pawm duh leh duh loh chu I thu a ni. I duh chuan an nih angin I pawm thei, I kalsan thei bawk.

Anmahni vangin hnungtawlh phah suh. Hmasawn reng rawh.