Mipa Nih Dan Kawng 9

1) Exercise lak that/Gym

Hriselna tluka pawimawh a awm lo.

I damloh chuan ENGMAH I chen thei lo.

Exer lak that a pawimawh. Taksa hrisel chu rilru hrisel a ni.

Bonus: Workout atanga taksa lian tha tak I neih chuan I confi sawt ang.

2) Lehkhabu chhiar

Lehkhabu chhiar hi finna a ni.

He khawvela kan hriat loh chi hran a tam lutuk. Damchhungin kan hre seng lo. Mi lo hriat tawhna atangin I lo hre chhawng ve leh thei thung a ni.

I tuizawng engah pawh lehkhabu tha chu tanpuitu leh kaihruaitu tha tak a ni.

3) Themthiam

Themthiam I neih chuan mi tangkai I ni thei.

Thiamna nei lo mi laktlak loh chu mi hnawksak an ni chawk.

Themthiam I neih loh chuan I tui zawng engpawh I zir thei. Amaherawhchu thiamnaah pawh tangkai leh tangkai lo a awm thung.

Tun atangin thiamna nei turin tan rawh.

4) I hlauh hmachhawn rawh

I thiltih ngai hlir I tih chuan I thil dawn ngai hlir I dawng ang.

I hlauh I hmachhawn loh chuan engtikah mah I nih theih ang I ni lovang.

Thil tha I duh chu I hlauh piah lamah a awm tih hria ang che.

Hlauh hmachhawn aia hrehawm zawk chu mi dawihzep nih a ni. I tar hunah pawh I la inchhiar ang.

5) Chhel rawh

Mipa I ni a chhel tura ngaih I ni.

Hrehawmah pawh a chhel zawk leh tuar fei zawk ni ang che.

Mi khawngaih leh lainatna beisei suh.

6) Engkimah mawhphurhna la rawh

I chungah engpawh thleng se I mawhphurhna a ni.

7) Hmalam pan zel rawh

Engtik lai pawhin hmasawn zel tur.

Kan tihdik loh atangin kan inzir a, kan thiam loh pawh kan thiam belh zel ang.

A hrehawmah leh a nuamah pawh kalkawng awmchhun chu hmalam chauh a ni.

8) Mahni inzah rawh

Mahse mahni inzah tur chuan I zah tur mi I nih hmasak a ngai.

Pawn lam mit atangin inen la I chet dan leh nundan atangin I zah mi I ni em?

I inzah theih mi ni turin hma Ia rawh.

9) Midang I hruai hmain inhruai hmasa rawh

Miin chuti khati an ti duh lo, tiin an thusawi an zawm loh avanga phunchiar an awm a.

Midang I hruai hmain mahni inhruai hmasa rawh.

Mahni pawh I inthunun theih loh chuan midang thunun tum duh suh.

 

Tawnpna:

Engkim bul tanna I ni.

I nunna thlak theitu chu nangmah I ni.

– Zakzum Hmeltha