Mipa Tan Hmelthat Dan – Part 1 Hmai leh Inchei

Mizo hnamah hmel hi kan ngai pawimawh em em a, hmelthat theih dan series I lo en ang.

Ka hmuh danah chuan mipa hmeltha lem lo atangin hmeltha pangai takah a chhuah theih. Piantirh ata mahni inenkawl miah lo an tam em avangin mipa tamtak chu an hmelthat theih dan ang ber an hre lo mai mai niin ka hria.

I hmel a tha thei ang berin siam rawh. I pianphung (genetics) in a zir lo a nih pawhin. A hmeltha thei ang berin insiam hi hlawkna tamtak a awm.

Mitinin hriat ngai loh mi kan hmuh phat atangin an hmel chik takin kan en thin.

Titi mai maiah mi chungchang an sawiin an hmel(that leh thatloh) an sawi tel ve ngei ngei bawk.

Hmelthat hlawkna – an zirchianna atangin:

1. Miin mi hrisel angin an hmu che.
2. Mi hmeltha an hrisel zawk.
3. Kawppui an hmu awlsam zawk.
4. An fing duh zawk.
5. Mi rilru an hneh hma zawk. Miin an thusawi an la pawimawh zawk.
6. Hnathawhnaah an hlawh a sang duh zawk, hnathawk atan an hire duh zawk bawk.
7. Mi nelawm leh rintlak zawkah an ngai.

A hlawkna dang tarlan loh pawh I nitin nun velah I hmu ve thin ngei ang. Mi hmelthate chu kan rilruah mi hmelchhe deuh ai chuan kan dah sang zawka, mi inchei nalh te hi hausa leh lehkhathiam turah ngaih nghalna ringawt pawh a awm.

Mi hmeltha chu hnaih kan duh a, kan zah zawk bawk.

Enge Hmeltha? – Ka Ngaihdan

Hmeltha ka tih hian hmai chiah ka ti lo. A tlangpui chu hmai ni mahse mahni thawmhnaw inchei dan leh kan mizia, mahni kan inkengkawh dan pawh a tel.

Hmai + Inchei + Taksa + Mizia + Thiamna = Hmeltha

He post ah hian taksa leh mizia chu kan sawi lovang.

Post chhung awmte:

1. Hmai
2. Sam – Hairstyle
3. Mithmul
4. Thawmhnaw
5. Taksa Posture

Hmai

Hmelthat dan a nih angin hmai I en hmasa ang.

Hmai enkawl that hi a pawimawh.

Hmai enkawl uluk hi hmeichhia tihah chiah kan dah fo thin. Makeup inhnawih chu hmeichhia tihah dah la. Hmai enkhawl that erawh chu mipa pawhin tih ve a tha (ngai). Mipa nih avanga mahni hmai engkawl loh ve ringawt tur a ni lo. Mipa tan hmai enkawl hi harsa em em a ni lo bawk.

Hmai enkawl dan hi mitin tan a inang dawn lo a. I vun a zirin – a mawm chi, a ro chi, nge a pahnih. Ka vun in a ngeih em em hmaiphihna (cleanser)in I hmai a lo ti ro vek thei thung.

Chumi a nih avangin ka hman thin product ka sawi lang lovang. A enkawl dan tlangpui chu a inang thung.

Ka hmai ka enkawl dan tlangpui:

Zing Routine:

1. Hmaiphih – Hmai Cleanser hmangin.
2. Moisturizer – Hmai phih zawhah.
3. Sunscreen – Pawn chhuah dawn chuan a ngai Ngei Ngei. a) Ni enna tha lo vengtu ah (UV protection), b) hmai chuar leh vun rawng inthlak vengtu, c) skin cancer veina chance a tihniam. Sunscreen hman loh chu I kum upat hunah a rawn lang chhuak ang.

Zan Routine:

1. Hmaiphih – Cleanser hmangin.
2. Acne Pad – ka tleirawl hmai bawl a la reh loh avangin. A khat tawkin hmai bawl ka la nei.
3. Oil – Extra Virgin Coconut oil ka hnawih a ka mutpui thin.
4. Kar 1 ah vawi khat – Face Mask

I hmai I enkawl ngai loh chuan a tam I ti viau maithei. A tirah chuan a tam ka ti, tunah chuan ngaiah ka nei tawh.

Duhthlang thei ilang chuan nitin hmai phih lova awm chu ka duh ve tho. Mahse hmai enkawl that chu keimahni bawkin a rah kan seng avangin midangin ti lo mahse kan tih a ngai.

Hmai enkawl that chu I kum a lo upatin I rualpuite nen a danglamna a hriat telh telh ang. Mipa chu hmeichhia ang lovin kan tar har a. Inenkawl that phei chuan I kum tak an hai an hai ang.

Hmai bawl thin tan – A khat tawkin lukham cover I thlak thei lo a nih chuan I mut hmain I lukham kha towel emaw kawr faiin tuam rawh. Lukham bal atangin hmai bawl a zual thei.

Note: Sunscreen hman than hi a pawimawh teh a nia.

Sam – Hairstyle

I sam style a zirin I hmai langdan a danglam.

Ka bek sam sei deuha ka zuah ngai loh chhan chu ka hmai a tilang bial lutuk. Ka bek sam a tawiin ka hmai a tilang tung thung.

Hairstyle azirin hmel a danglam theih dan hi ropui ve deuh mai a ni.

Veilama leh dinglam thlalak inthlauh dan hi nasa tak mai a nia.

Tunlai ka sam ka meh dan ang deuh, awlsam tak, ka inhmeh bawk si chu:

A tlangpuiin hemi ang deuh hian ka met thin. He haircut ang hi kum 3 vel chu ka nei tawh. Style pangai deuh ai chuan inhmeh a awl a, tlema tunlai ve deuh ni bawk siin.

Mithmul

Mipa tamtakin an enkawl loh, a ruka danglamna siam thei chu mithmul.

A thenin mithmul an nei tam lova, thenkhat erawh chuan duh aiin mithmul an ngah thung.

Mithmul I ngah chuan tlem a zawng tal pawt fai la (awmze neiin), danglamna a siam a nia.

He tehkhinna thlalak atang hi chuan a hriat lutuk lova. Keimahah bik chuan a danglamna chiang takin a hriat.

Mithmul pawh dan tutorial video:

Thawmhnaw

Mi tamtakin an thawmhnaw hak an pawisa lo. An hak tawk size dik pawh hre lo khawpin. Intihtheih nan ka size dik aia lian ka ha ka tihthin lai te kha…

Thawmhnaw man to leh chhuak thar I lei a ngai ka ti lo. A pawimawh zawka chu

• I ha tawk em – I taksa pumrua bik atan I size dik a ni em.

Thawmhnaw inhmeh leh hak tawkin hmel a titha zual. Thawmhnaw bawrchhawr a letlingin a thawk thung.

I hmai fang chu lo hmeltha ber lo pawh nise I thawmhnaw leh incheina in a zir chuan mahni inenkawl tha tak mi tih a hriat. Mahni inchei dan style neih hi hmelthatna pakhat a ni bawk.

Tehkhinna thlalak: 

Veilam – thawmhnaw hak tawk loh

Dinglam – taksa pumrua hak tawh thawmhnaw.

Taksa Posture

I taksa I kenkawh dan.

I hmel, incheidan, chu tha tawk hle mahse I taksa I put danin a zir miau loh chuan a hnathawh tur anga a thawk thei lo. I awmdanin a zir loh chuan midang hmuh danah mi inringtawk lo tak angah an ngai ang che.

Mi inringtawk lo = hmelthat tur angin hmeltha lo.

Kawnga I kalin I hnungzang tikul reng lo la, miin an biak chein hnuai lam hawi reng suh.

I hnungzang ngil ngil takin dah la, hawi chhuak la I hmeltha sawt ang.

Note: Ding ngil hi lang confi nan ringawt pawh a ni lo. I taksa awmdan a zirin I rilru puthmang a inthlak thei.

Post Inang:

1. Hmai bawl enkawl dan tawite
2. Part 2 Hriselna
3. Part 3 Mizia leh Thiamna