Tlangval la thalai ve deuhin mi rawn hnaih a, thu pawimawh sawi tur nei ang zia zaiin a ka a ang a, elrel takin chibai mi buk a. Hun khawhral suh tlangval. I sawisel duh chu sawi vat rawh.
Tlangval chuan, “Thunawi sawi kual teuh lovin tunah hian chiang takin min hrilh rawh. Eng vangin nge tunah hian hmeichhe kawppui ka neih loh”.
Hmeichhe ngaihzawng I nei lo I tih hi, nangma duhthlan vang a ni.
“A nunrawng hle mai,” tiin a phun ri a. Mahse thudik a ni. Tunah khan pawnah chhuak la hmeichhia I nei thei tih I inhria. Mit hmuh a duhawm lo tak pawh a ni thei, mahse hmeichhia chu a ni tho alawm. Hmeichhe duhawm lo I tih chu I umzui lova, a aia tha zawk kawp theia I inrin vang a ni.
Khawharna hi I tan Khuanu duan bik a ni lo; I duhthlan a ni. Hmeichhe thau leh hmelchhia chu I kawppui atan I thlang lo a.
Tunah chuan hmeichhe duhawm I thlang zawk tih I pawm ta a, a awmzia chu I tan an thaa I rin vang a ni. Tunah mi ria, zakzum, mahni inringtawk lo ni mahla, I thinlung chhungah hmeichhe duhawm tak takte nei theiin I inring tlat a.
I ngaihtuahna chu a tak ramah I thlentir a ngai. Leilungin, “Mi a leh chaklo pa! Tunge maw I nih I rin a, ka hmeichhe duhawmte nei thei tura I inngaih?” A chhana dik chu: “Tunge ka nih tak tak chu ka la hmuh ang che!”
Tichuan pakhat te tein I suangtuahna duhthusam ram chu a takah I chantir a. Hmeichhiain an duh vang ni lovin nangmahin I duh avangin I taksa I enkawl tha a. Hmeichhiain an duh vang ni lovin I nihna a nih ve reng avangin mi entawn tlak I ni a. Hmeichhe duh vang ni lovin I nihna reng a nih avangin I mizia leh incheina I siamtha a. I insiamthat chhan hi hmeichhe duh vang a ni lo, nangmah I inhmuh dan ve reng a nih avang zawk a ni.
Hringnun hi I tan enge a awmzia?
Mihringin dam rei kan hlut a. Dam rei ringawt kan hlut avangin a hlutna tak kan hmaih thin a, a hlutna tak chu nunna hlu leh tha tan hun tamzawk kan neih theih nan a ni.
Nunna hlu chu enge ni? He zawhna hi nangma chhan tur a ni. I nun hman dan tur chu miin ngaihdan tamtak an nei. Mahse thihna khuma I mut ni a rawn thlen meuh chuan, he khawvela I hun a tawp dawn tih I hriatin I nuna I duhthlante NANGMAHin I ngaihtuah let leh dawn.
Chuvang chuan…hringnun hi I tan enge a awmzia?
Chumi khami ti turin ka zawt lo che, mahse hun reilote chawla ngaituah turin ka sawm a che. Nun hi I tan enge ni? Dingla enfiah rawh.
Mi tamtakin dingin an hringnun an en chik ngai lo. An nu leh pate nun ang chiahin an nung a, anmahni ang chiaha nung leh tur fa an hring leh a!
Inthlak danglam hi thil harsa a ni.
Thil kalhmang pangaia neih chu a awl. Thil thar leh inthlak, heihi chu a har. I damchhunga I thil chin dan thin thlak danglam tur chuan hrehawm tawrh ve a ngai. Mahni nunhlui, I nu leh pate pek che nunna, I sikul kalna zirtir che, I thiante nen in nunhlui, mi zawng zawngin I hringnun I hman dan tura beiseina an neih….chumi zawng hnutchhiaha inthlak chu kawng awl a ni lo.
Nunna pakhat chiah I nei a, I hun neih chhun pawh a ral zel.
Tuinge nge hringnun hi chen loh tur ti? Nangmah bak lovin tuinge a awmzia sawi thei?
Tuin nge hmeichhiate hi hlimpui tur an ni lo ti? Tuin nge hringnun hi nuam taka hman loh tur a ni ti? Nangmah chauh lo chuan tuin nge a awmzia sawifiah thei?
“Hringnun chu I chunga thleng engpawh a ni mai.”
Tu sawi nge? Tuin nge tawrh kher a tul ti?
He khawvela tihhlawhtlin tur leh nawmchen tur, hmuh chhuah tur leh fang chhuah tur, tuin nge I ta tur a ni lo tithei? Tuin nge I nunah hlimna I phu lo ti? Tuin nge hmeichhe duhawm takte I phu lo tithei? Engvangin nge a sirah thuin midang lakah I tlawm mai le? Tuin nge heng thil zawng zawngte hi I ta a ni lo tithei?
Nangmah chiahin I hringnun awmzia I sawifiah thei. I pi leh pu, kohhran, thiantein an thei lo. I hringnun awmzia midang kutah I nghat a nih chuan tuna I awmna dinhmuna I hlim lo hi NANGMA thiamloh a ni.
Hetiang lama thlir tur hian kan inzirtir ngai lova. Kan naupanin hrehawm tawrh hi a fakawm tih kan inzirtir a. Mi rilru kan tihnat loh nan kan ngaihtuahna sawi chhuak lo turin kan inzilh a. Thil hlauhthawnawm apiang pumpelh a, nunkawng him zawm turin kan inzirtir a. Nun ti chakawmtu engmah kan inzirtir lo.
Sumdawnna 10-a-9 an hlawhchham avangin mi tamzawk chuan sumdawnna an tan dawn lo. Mahse a tawpa hlawhtlingte chu a tirah hlawhchham mahse an hlawhchham theihna ringawtah rilru an dah lova, an sumdawnna nuam an tih avangin an bei zel a, a tawpah an hlawhtling phah a.
Mipa tamzawk chuan an hmeichhe duh an nei thei dawn lo. A chhan chu hlawhtlin aiin hlawhchham a zing zawk dawn tih an hria a. Mahse a tawpa hlawhtlingte chuan hlawhchham hrehawmna [hmeichhe duh loh nih chu rilru a na duh ve reng] aiin hlawhtlin nawmnaah an rilru an dah zawk thin.
Chuvang chuan tunah hmeichhia I nei lo a nih chuan I neih theih aia thazawka I inngaih vang a ni. Eng ang mi chiah nge I nih he khawvel I hmuhtir thei, a nih loh chuan ‘nitin chhuanlam’ dang I siam leh thei. Naktuk hlimawm a thlen theihna turin vawinniah I tan a ngai.
I nuna dan awmte chu nangma dah an ni. Tawrhna, hlimna leh hlawhtlinna I phu ang tawk chiaha I ngaih a awm ang. Tun atang hian he khawvel hi nangmah atangin a intan. Eng ang khawvelah nge I chantir dawn?
Nunna Pahnihna
Tunah chuan I nunna I kutah a innghat. Enge I tihpui dawn? He hringnun Thilpek hi I ta a ni, I ta chauh. Tuma laksak theih miah lo che awmchhun a ni. Nangmah chiahin I pe chhuak thei, I paih bo thei, I khawhral thei. Mahse chutiang ngawt tur atan chuan I ti tawh lovang.
A hma chuan, bawkvakin muangchangin hringnun I hmang thin a. Tunah chuan, ngaituahna thar I hip lut a, I nunna hlui I kalsan a, nunna thar I tan leh ta. Phengphehlep ang I ni. Pangang dangte, muang taka vakvei te chu I thlawk en turin vanah an dak chho a.
“Engtin nge a thlawh san theih em em?”
“Engtin nge a mawi dan bik em em?”
“Engtin nge a zalen theih em em??”
Tunah chuan nangmah chauh lo chuan engmahin a dang thei lo che. I duhthusam, I duh ang tak chu titurin thiltihtheihna I nei tawh. Enge I tih dawn tak? I chhungril a I nihna tak tak chu a rawn harhchhuak tawh a, he khawvel hi a la kap eng ang. I vanneih zia hi, I nunna I chhanhim avangin. Tunah chuan I nunna hlutzia I hria a, a hlutzia hre mang lovin I lo upat pui hman tep asin.
Miin I nihna thar chu an hmu anga, mak an la ti ang.
Post atanga thur chhuah:
Midang An Hlim Bik Lo, An Hlim Der
Leave a Reply