East Asia lamah chuan sai pian tirhin a enkawltu, mahout an tih chuan an nghawngah emaw an keah hrui chhah deuh tak mai hian thlungin a lehlam chu pal banah an phuar bet a.
Sai chuan theihthawp chhuaha beiin nitin tawn chhuah a tum thin a. Mahse a la sen em avangin hrui chu a hneh zo lova, engtikah emaw chuan a beidawng ta a.
Chumi ni atang chuan mahout chuan hrui chhah tak chu hrui sin tak maiin a thlak a. Sai chuan hrui chu hneh theih lovah a pawm tawh avangin tal chhuah a tum tawh lo reng reng.
A thlung bettu hrui sin chu a rawn mar deuh changin sai chuan hmana hrui chak zia kha a hrechhuak a, a mar tawh lohna laiah a insawn ta thin a ni.
Ka naupan laiin sikul zirtirtute’n min hrem thin avangin ka tih thei hle a. College ka kai thlengin chhungrilah tihna ka la nei.
An hlauhawm lo tih hre mah ila. Engtin mah min ti dawn lo tih hre mah ila ka naupan laia ka hlauh rukna kha a la awm tlat.
Sai hrui phuar beh ang hian kawng hrang hrangah kan rilruin min phuar bet thin.
Kan duh chuan kan sual chhuak thei. Kan thei lutuk.
I rilru ngaihtuahna kha thlak la I hlauh chu hmachhawn rawh.
Leave a Reply