I Tan Khua A La Tlai Lo

I damchhunga I thiltih zawng zawng belhkhawmin TUNAH he hmun hi I rawn thleng a.

I rawn thlen takah chuan nunna thu ka lo hrilh ang che.

Tunah I kum zat engpawh ni se I nun thlak danglam turin I tan khua a la tlai lo.

Hun liam tawh hnu thil awmdan thlak thei ila tiin….hun leh ni kan khawhral zozaite, kan chunga thil thleng kan duh loh zawng zawngte, chumi ai chuan khami kha lo ti zawk ila tia koh kir leh kan duh em em te kan nei vek.

Kan nunah tihsual leh inchhir nei lo kan awm lo. Famkim kan awm lo.

Ka nun ngeiah tihsual tam tak ka nei a, ka nundan ka thlak tawh tak tak ang ka tih pawhin beidawnna ruamah ka tlu lut leh thin.

Mahse, nunhlui famkim nei kan awm lo. Mihring famkim lo vek kan ni. Kan zavai hian.

I nunhlui avangin hrehawm ti suh. I nunhlui avangin beidawng suh.

I nunhlui I ni lo.

Hmana I tlin lohna leh hlawhchhamna avangin hun lo la thleng turah mi hlawhchham I ni dawn tihna a ni lo.

Tuna he thuziak I chhiar hrim hrim avang hian I rilruah inthlak duhna leh insiamthat duhna thinlung I nei tih ka hria.

Inthlak turin, I nun siamtha turin I tan khua a la tlai lo.

Chuvang chuan mahni indem lo la, mahni inkhawngaihin ‘ka vanduai bik’ ti suh.

Tun hun hi hun tha a ni.

I kum engzat pawh ni se, inthlak turin kum upa lua a awm lo. Vawi tam pawh beidawngin bansan tawh mah la I tan tun hi siam thar lehna hun tha a ni. I rilruah I inthlak thei lova I ngaih tlat a, a tlai lua e I tih tlat chuan I tan hma hmain I hlawhchham nghal.

Naktuk hi ni thar a ni. Nimin a ni tawh lo.

Chuvang chuan ‘Ka thih thleng pawhin ka beidawng lovang’ tiin tho la, hawi chhuak rawh.

Intawn leh hma zawng,

Zakzum Hmeltha