Tleirawl Tana Thuchah

Tleirawl I lo ni chho ve ta maw…

Kum upa ve tawh tak niin sikul lamah pawh pawl sang I inti viau.

Finna lamah hriat loh nei lovin I la inhre zui.

Ngaihzawng ni se a ruka chhelo I tih deuh tumah I hrilh duh miah loh te kha an awm a. Hmun thenkhata I kal chhan ber-i te kha.

A tha vek e. I tleirawl lai hi naktuka liam mai tur an ni.

Tleirawl tana Zakzum Hmeltha thuchah

Vawiin chu I U, Zakzum Hmeltha hian thuchah pawimawh ka hrilh dawn che.

Tleirawl, I beng kha lo chhi tha la, ka thusawi hi ngun takin lo ngaithla rawh.

Thupui pahnih chauh an ni a. Thupui pahnih pawimawh em em an ni.

#1) I Nunah Beidawng Suh

Harsatna I neih chuan eng ang taka hrehawm nge ka hriatpui lo che. Amaherawhchu beidawngin I nun thlahthlam reng reng suh ang che.

I theihtawpin nung chhunzawm zel rawh.

Thian I neih loh pawhin, ngaihzawng I neih loh pawhin, I lunglen pawhin, chhuan tur reng I neih loh pawhin, mahni inthah I rilruah a rawng lang pawhin.

Hun harsa pumpelh tur kan awm lo. I mal bik lo. Midang harsatna tawka hrehawm tuar an awm tih hria ang che.

I rin aiin I chak tih hria ang che. I rin aiin I chhel. I rin aiin tuar I fei.

#2) Engtik Lai Pawhin Hmasawn Reng Tur

Inzirna hi sikulah chauh a ni lo. Hringnunah zir tur a tam lutuk.

I kum a lo upat pawhin inzirna hi kalsan suh.

Thih thlenga zirlai kan ni tih hria ang che.

I nunah thil chi hran hran I tawk chho anga, heng zawng zawngte pawh hi I inzirna vek an ni.

Kawng engkimah hmasawn zel tumin bei ang che.

Kharna

I inrin hmain I kum a lo tam chak chho viau ang.

Hunin tumah min nghak lo tih hria la I nakin awm dan tur tuna I hun hman danin a hril ang.

Hun I khawhral chuan hunin a khawhral ang che.

I tleirawl laiin a lar ber I ni lova hmeichhe lama luck vak lo I nih pawhin ka thuchah hi hre reng la, I lo upat deuh hunah I rin ai daihin an lo pawimawh lo tih I hre chho ang.

A tawp berah chuan,

Nuam takin I ni I hmang dawn nia.

– Zakzum Hmeltha