Hmanni lawkah nula hmeltha deuh nen in inbia, vawiinah nula pakhatin inti tlangnel takin a rawn bia che a tunge tia I inngaihtuah laiin I hrechhuak thut!
Vawiin chu makeup a hman loh vangin I hai chiang hle.
Makeup in hmeichhia a ti hmeltha tih hai rual a ni lo, makeup avangin mipa tamtakin an nihna aiin an hmu hmeltha a, an ṭih phah hial thin.
Eng vangin nge hmeichhiain makeup an hman?
Makeup hi tunlai chiaha lar thar a ni lo. Hmanlai atang tawhin kawng hrang hrangin mipa mitmei la turin makeup an lo hmang tawh thin.
Makeup-in engtin chiahin nge an hmel a tih danglam a, mipa rilru a khawih danglam dan kan en ang. A neuh neuh tam tak a awm a, a tlangpui chiah tarlan a ni.
Hmeichhe makeup hman chhan
Makeup in mipa mit a la a, hmeichhia a tilang naupang a, a tilang duhawm. Mahse makeup-in hmeichhia a ti hmeltha tia sawi ringawt chu ka duhtawk lo, a chhan I enfiah ang.
Hmeichhiain makeup hmanga an intih itawm hi tunhnaia mipa duh thar chiah a ni lo, hmanlaia mihring lo inthlah chhawn zel atang tawha an duhzawng a ni.
A tlangpuiin mipa in hmeichhe mit lian, vun mam, biang ruh sang leh hnar te an duh. Hmeichhiain an hmel thlak thei loh mahse makeup hmangin a landan an siam danglam thei.
1) Mit
Eyeliner, eye shadow, mascara hmanga an mit an thlak danglam hian an hmel kan hmuh dan a danglam nasa hle. Mit dum, mawi leh lian tha chu chi tha entirna a ni a, an la thalai tha tih entirna a ni bawk.
Hmeichhe mit cheiin a tilang hmeltha a, an hmel a tilang naupangin a tilang nu thei hle.
An enchhinnaah mit chei danglam ringawtin mipa kha hmeichhia emaw an ti hial theih.
2) Hmui leh Biang
Hmui
Biang
Hmeichhe hmai leh hmui dâng deuh chu pipute hunlai atang tawh khan mi hrisel anga ngaih an ni lo. Hmeichhe biang leh hmui tai deuh chu hrisel tha angin kan ngai thung. Kum lamah pawh an la tlerawl tha tih a lantir.
Hmeichhiain nau an pai theih hunlaiin an taksaah thisen a kal vel a, hmui a rawn sen a, biang a tai bawk a. Chuan hmeichhiaah tisa chakna a awmin thisen a rawn thawk a, an hmui leh biang a rawn sen bawk thin.
Hmeichhe lipstick rawngah rawng dang zawng aiin mipa mit hmuhah a sen a thawk na ber.
3) Foundation
Foundation
Kum a lo upatin vun a chuar a, vun rawng pawh a rual tawh lo thin.
Mahse tleirawl tuai thate chu an vun a mamin a no siar mai thin.
Foundation in vun a ti mamin vun rawng a tieng a, hmeichhia a tilang hrisel a, a tilang duhawmin a tilang naupang bawk.
Mit leh foundation hi mipa mithmuha an hmel thlak danglam ber thei pahniha ngaih an ni.
4) Hnar leh Biang Ruh
Hnar contour
Biang contour
Hnar lian chu kum upa tawh anga ngaih a ni, I kum a upatin hnar hi a thang ve zel (tak tak).
Chuvangin hnar te chu tleirawlna nen a khaikhin theih.
Chutiang bawkin biang ruh sang chu puitling pangai, fa nei thei tawh angin kan ngai bawk.
Makeup hmangin enge hmeichhe tum ber
Kan thil tarlante atangin makeup hmanga hmeichhe tum ber chu a lang chiang hle,
Chu chu la thalai, fa hrisel tha nei thei anga lan a ni.
Makeup hmangin hmeichhiain anmahni chawma enkawl thei tur mipa an hip a. Mipain hmeichhe tleirawl tha, fa hrisel pai thei tur an duh vangin makeup hnathawh hian mitmei a la hle.
Makeup in hmeichhia a tiduhawm a, fa la nei thei angin a lantir thin. Fa nei thei tawh lo an nih pawhin mipa tan a hriat mai theih loh avangin inbumna atan an hmang thin reng a ni.
Makeup hi thiltithei tak a ni. A thawh dan leh hmeichhe hmel a thlak danglam dan hi hriain hmeichhe hmanrua tha em em a ni tih hriat a tha.
Leave a Reply