Engkim Nei Turin I Engkim Pe Rawh

I duh engkim nei thei turin I nawmna zawng zawng kalsan I huam em?

Nun awmze nei zawk nei turin tuna I hlim lohna leh duhthusam lohna khawvel hi I thlahthlam phal em?

Nun awmze nei I duh chuan tuna I khawvel satliah hi I kalsan ngam a ngai.

Engkim nei turin I engkim pek a ngai.

He zinkawng hi zinkawng nuam a ni nghal lo. Zinkawng awl a ni hek lo. Mahse nakina engkim I duh neihna tur zinkawng a ni.

Ka thian, nang leh kei hian vawiin bak hun kan nei lo. Tun bak hun a awm lo. Inthlak turin nakin a awm tawh lo. Hlawhtlin I duh chuan engkim I inhuam a ngai, I neih zawng zawng tunah I pek a ngai.

I thenrualte leh khawtlangte hriatthiam loh kalkawng chu mahni pawha zawh I inhuam a ngai.

Enge I duh?

I duh thlang rawh. Tumahin an thlan sak thei lo che. I thinlung chhunga I duh chu umzui rawh. I inchhir lovang.

I duhthlannaah ding nghet rawh. Reilote phur taka I inpek hnuah I nun ngaiah bawk I let leh thin em? I inpe tak tak nge midang tam tak angin I inpe ve deuh mai mai.

I ENGKIM pek I inhuam loh chuan engvangin nge I duh ang tak chu neih I phu tehlul ang???

I nun pawh huama I inpek zawh loh chuan chhuanlam siam tlak I ni lo.

Tuna I nuna I chhek khawm bungrua leh rohlu anga I ngaihte kha nangmah pawt bettu che an ni. Midangin an neih vek avangin a tha tihna a ni lo. Nangpawhin I hlim phah lo tih I chhungrilah I hriat kha.

Enge pawimawha enge hlawhtlin I duh tih zawhna I inzawh nawn fo a ngai. A pawimawh lo apiang chu I nun atangin hlip vek rawh.

I Duh Engkim Neih Dan – Kawng Awlsam 3

#1) I duh tak chu hrechiang rawh. I duh tak.

#2) I nun atang a pawimawh lo apiang hlip rawh.

#3) I hlawhtlin hma chu I duha umzuiin theihtawp chhuah rawh.

**Han dawn chiang teh….**

Hringnun hi heti maia ho leh awmze nei lo tur ami a nih? Damchhan nei lova thi leh mai tura duan lawk em ni kan nih? He khawvelah hian engvanga lo piang tehreng nge kan nih?

A chhana chu nangmahah a innghat. Tumahin I damchhan CHIAH an relsak thei lo che.

Kei erawh chu…

Ka thinlung chhunga ka duh chu nei turin tuna ka neih zawng chan ka huam.

Nakina engkim nei turin tuna ka engkim hloh ka pawi ti lo.

He khawvela ka damchhan hlawhtlin turin thih pawh ka inhuam.

Nun awmze nei lova thih leh mai ai chuan ka damchhan umzui avanga thih ka thlang zawk.

Ka theihtawp ka chhuah lova, ka engkim ka inhuam lohva, ka lo upat huna inchhirna hlira ka khah leh si chuan ka inngaidam thei dawn lo.

Mi angin nung ve mai mai, mi rel leh thatchhiat, rilru la pengtu tur apiang zawnga vahvel chu ka thinlungin mi phal lo.

Ka thinlungin enge I duh min ti….Ka chhana chu ka damchhan kalkawnga nitin hmalam ke pen hi a ni.

Engkim nei turin ka engkim pek ka huam.

Engkim nei turin I engkim pek I huam ve em?

I thian,

Zakzum Hmeltha