Lehkhabu Chhiar Tur 7

Lehkhabu chhiar tur 7 ka thlang chhuak a, heng lehkhabu te hian ka khawvel thlir dan leh ka nun a thlak danglam hle.

Mizo lehkhabu telh tur ka hriat loh avangin Sap tawng vek an ni. Nakinah Mizo lehkhabu chu keimah ngeiin ka la chhuah ang.

A pawimawh bik awm lovin lehkhabu chhiar tur te chu:

1) How to Win Friends and Influence People by Dale Carnegie

He lehkhabu hian mi biangbiak dan a zirtir ang che. Miin biak nuam an tih mi nih dan a zirtir ang che.

Mi tawng tlem leh tawngkam thiam lo ka nih avangin he lehkhabu hian mi pui nasa hle. Mi biangbiak thiam mai bakah mihring mizia hriat nan chhiar ngei ngei tur a ni.

2) Think and Grow Rich by Napoleon Hill

He lehkhabu ka chhiarin engkim ka titheiin ka hria.

He lehkhabu hian rilru ngaihtuah dan tha leh a thiltihtheih zia a zirtir ang che.

He khawvela kan hriat phak loh thil hnathawh dan I hriat phah ang.

3) The Strangest Secret by Earl Nightingale

He lehkhabu tawite hian thuchah lian tak mai a nei,

“Tuna I dinhmuna I awm chhan kha nangma duhthlan vang a ni” a ti.

A ni tak tak em? Enge a awmzia?

Chhiar la I hre mai ang.

4) The Alchemist by Paulo Coelho

Lehkhabu 7 zinga thawnthu awmchhun a ni.

Mipa naupang pakhatin a khat tawkin mumang pakhat a nei a, a mumangah chuan hmun hla takah ro hlu a hmu a. A nunah hlim tawk viau mahse chu ro chu a umzui a ngem?

He thawnthu hi mihring nuna kan zingkawng nena tehkhinna a ni.

Mitinin kan nunah changtupa niha kan hringnun min kohna chu kan chhang theuh thei..

5) How to Fail at Almost Everything and Still Win Big by Scott Adams

Cartoon lar tak mai Dilbert ziaktu chuan a nun atanga a thil zirte lehkhabuah a ziak chhuak a.

A aw a hloh dan te, engmah thiam nei lo leh a thiltih apianga hlawhchham zel atanga a hlawhtlin dan zawng zawngte mai bakah a dang tam tak chhiar tur a awm.

He lehkhabu hi chhiar awl tak mai, ngaihnawm tak leh zirtur ngah em em mai a ni.

Ka chhiar laiin note ka la a, a lehkhabu pumpui dawn dawn ka thai hial chu.

6) Gorilla Mindset by Mike Cernovich

I rilru ngaihtuahna kha I thunun thei.

He lehkhabuin I rilru ngaihtuahna thunun dan a zirtir ang che. Hriselna, exer, leh a dang dang pawh telh teuh a ni.

He lehkhabu hi a chikim a, rilru leh taksa enkawl dan mai bakah mahni pawisa enkawl dan thlengin a huam tel.

Bung tinah exercise tih tur a awm a, chumi hmang chuan nangmah inthunun dan I zir chho zel ang.

Rilru leh taksa tihchakna atana chhiar tur a ni.

7) Choose Yourself by James Altucher

Dollar maktaduai chuang vawi tam a siam hnuah a hloh leh a, beidawngin inthah a tum ta a. A inthah chuan a fanu ten a insurance atangin pawisa an dawn theih dawn avangin a tha zawk ang tia inngaihtuahin.

Chumi dinhmun atang chuan a rawn dingchhuak leh ta a.

He lekhabu hian midang thlang lovin nangmah inthlang turin a zirtir ang che.

Tunlai internet khawvelah kan tihtheih loh a awm lo. Mi phalna I mamawh tawh lo.

Nangmahin I duh chu umzui rawh.