Thenrualte leh midang zawng an la mut laia hnathawh kerh kerh chu hun a lo liam zelin a hlawkna I la hmu dawn.
Zing thawh hma hi enge a hlawkna? Midang pawh tihtur an neih loh chuan an tho hma bik hleinem I ti maithei, a chhan chu midang ang nih kan tum lo.
Midang chuan chumi khami ka ni chak ka thiam ve duh an tia mahse an hun leh tha seng an huam si lo. Midang chuan mi tihdan ang lova nun an ngam lova thawhrim an hlau emaw tih mai tur a ni. Midang kawng I thlan chuan I hlawhtling lovang.
Zing Thawh Hma Hlawkna
Zing kar ni chhuah hmaa hnathawh hi midang aia hmasawn I duh chuan chin dan tha tak a ni. Zingkarah rilru a fim a, boruak a thiang a, tibuaitu engmah awm lovin he khawvela pawimawh em em mai hun hman tur I nei.
Midang tuma tihbuai theih loh nangma hun liau liau a ni. He hun hi eng atan pawhin I hmang thei. Lehkha I ziah duh chuan zing boruak thiang leh reh aia ziahna hun tha a awm lo. Chutiang bawkin he hun hi I khawhral duh chuan I thu tho.
Zingkara Hun Khawhral Loh Dan
1) List siam rawh.
Zanah naktuka hlawhtlin tur leh I hun hman dan tur list lo siam lawk rawh.
A ni hmaa list I siam lawk hi a pawimawh. A tuk atan I rilru a inpuahchah lawk anga zingah I tihtur chiang takin I hria ang.
2) Zing dar 7 aia tlaiah tho suh.
A tam thei ang ber hun I neih a pawimawh. Mut that a pawimawh a, zing thawh hma a pawimawh bawk.
Zing ka thawh tlai thin laiin zing dar 5 a thawh chu thil harsa tak mai a ni. Kar 2 vel thophang em em maia ka thawh luih hnu chuan ka taksain ngaiah a nei chho a, ka thawh phat atangin ka insingsa fela ka list chu a harsa ber atangin ka thai chhe chho diat diat a.
Hun khawhraltu sirah hnawlin
Zing tho hma tur leh ka tihtur hlawhtlin tur hian thil tamtak ka kalsan.
Thawh hma a ngaih avangin thiante nen zan tlaia engmah tangkai ti lova inkawm mai mai a rem ta lova, mut kham ka duh chuan zanrei taka online website ngaia kal leh luh chhen ka hman ta lo. Keimah ka indah hmasak ber a ngai tih ka hmuchhuak.
Mahni inhlangkai tur chuan kawng daltu leh awmze nei lova hun khawhral apiang chu sirah hnawl a ngai.
Hmasawnna kawng 2 khi zawm la midang la mut thup laia I thawhrim man I la seng dawn. Mi la thawh ve hmaa mahni tihtur inpeih sa diam chu nuam tak mai a ni.
Chhiar tur:
Leave a Reply